நாட்டில் 65 மில்லியன் புதிய கொவிட் பாதிக்கப்பட்டவர்கள் பதிவாகுவார்கள்
சீனாவில் கொவிட் வைரஸின் ஒமிக்ரோன் வகையின் பரவல் காரணமாக எதிர்வரும் ஜூன் மாதம் இறுதி வாரத்தில் 65 மில்லியன் மக்கள் பாதிக்கப்படுவார்கள் என ப்ளூம்பெர்க் செய்தி தெரிவித்துள்ளது.
சீனாவின் மூத்த சுகாதார அதிகாரி ஒருவரை மேற்கோள் காட்டி, எதிர்வரும் ஜூன் மாத இறுதி வாரத்திற்குள், நாட்டில் 65 மில்லியன் புதிய கொவிட் பாதிக்கப்பட்டவர்கள் பதிவாகுவார்கள் என குறித்த செய்தியில் தெரிவிக்கப்பட்டுள்ளது.
அதன்படி, இந்த மாதத்தின் கடைசி வாரத்தில் சீனாவில் புதிய கொவிட் நோயாளர்களின் எண்ணிக்கை 40 மில்லியனைத் தாண்டும் என தெரிவிக்கப்பட்டுள்ளது.
மேலும் , சீனாவில் கொவிட் நோயை பூஜ்ஜியமாக்குவதற்கான கொள்கையை நீக்க அரசாங்கம் நடவடிக்கை எடுத்த 6 மாதங்களுக்குள் மீண்டும் சீனாவில் கொவிட் தொற்றுநோய் பரவுவதால் நாட்டின் தொற்றுநோயியல் நோய் தடுப்பு மையம் கடுமையான சிக்கலில் இருப்பதாக குறித்த செய்தியில் தெரிவிக்கப்பட்டுள்ளது.
