பலபிட்டிய, கொஸ்கொட ஹதரமன்ஹந்தியவில் நேற்று (11) பிற்பகல் நடந்த துப்பாக்கிச் சூட்டு சம்பவம் தொடர்பாக பொலிஸாரால் பல தகவல்களை கண்டறிந்துள்ளனர்.
குறித்த துப்பாக்கிச் சூடு முச்சக்கர வண்டியை செலுத்திய ஒருவர் மீது நடத்தப்பட்டது.
அவர் தனது முச்சக்கர வண்டியில் அஹுங்கல்லவிலிருந்து கொஸ்கொட நோக்கி பயணித்துக் கொண்டிருந்தபோது, மோட்டார் சைக்கிளில் வந்த இரண்டு அடையாளம் தெரியாத துப்பாக்கிதாரிகள் பிஸ்டல் வகை துப்பாக்கியால் துப்பாக்கிச் சூடு நடத்தினர்.
காயமடைந்தவர் கொஸ்கொடவைச் சேர்ந்த கலதுர நிமுது அபிஷன் என தெரியவந்துள்ளது.
காயமடைந்த நபர் பலபிட்டிய ஆதார வைத்தியசாலையில் அனுமதிக்கப்பட்டுள்ளார்.
இந்த துப்பாக்கிச் சூட்டை தற்போது வெளிநாட்டில் இருக்கும் ‘ஷான் மல்லி’ என்ற நபர் திட்டமிட்டது தெரியவந்துள்ளது.
இருப்பினும், துப்பாக்கிச் சூட்டின் இலக்கு முச்சக்கர வண்டியின் உரிமையாளரான ‘பாலே’ என்ற நபர் என பொலிஸார் தெரிவித்தனர்.
இருப்பினும், தாக்குதல் நடத்தப்பட்டபோது முச்சக்கர வண்டியில் பயணித்தவர் பாலேயின் உறவினரான நிமுது அபிஷான் ஆவார்.
சுமார் இரண்டு ஆண்டுகளுக்கு முன்பு, அஹுங்கல்லவில் பாலேவை குறிவைத்து துப்பாக்கிச் சூடு நடத்தப்பட்டது, அன்று, அவர் முச்சக்கர வண்டியில் செல்லும்போது காயமடைந்து வைத்தியசாலையில் அனுமதிக்கப்பட்டார் என பொலிஸார் மேலும் தெரிவித்துள்ளனர்.
