மலைநாட்டு புதிய கிராமங்கள் உட்கட்டமைப்பு அமைச்சின் நிதி ஒதுக்கீட்டில் பொகவந்தலாவ லின்போர்ட் தோட்டத்தில் 2019 ஆம் ஆண்டு ஏற்படுத்தப்பட்ட புதிய வீடமைப்பு திட்டத்திற்கு குடிநீர் வழங்கும் நிகழ்வு இன்று இடம்பெற்றது.மகிழ்ச்சி இல்லத்தின் அனுசரணையுடன் வழங்கப்பட்டுள்ள இந்த குடிநீர் திட்ட அங்குரார்ப்பண நிகழ்வின் பிரதம அதிதியாக தொழிலாளர் தேசிய சங்கத்தின் தலைவரும் நுவரெலியா மாவட்ட பாராளுமன்ற உறுப்பினருமான பழனி திகாம்பரமும் விசேட அதிதியாக தொழிலாளர் தேசிய சங்கத்தின் பிரதித் தலைவரும் நுவரெலியா மாவட்ட பாராளுமன்ற உறுப்பினருமான எம்.உதயகுமாரும் மகிழ்ச்சி இல்ல இயக்குநர் பாஸ்டர் பெருமாள் இரவீந்திரன் ஆகியோரும் கெளரவ அதிதிகளாக மத்திய மாகாண சபையின் முன்னாள் உறுப்பினர் சோ.ஸ்ரீதரன் உட்பட முக்கியஸ்தர்கள் கலந்து கொண்டனர்.
