2025 ஆம் ஆண்டின் முதல் 10 மாதங்களுக்கான மொத்த சுற்றுலா வருவாய் 2,659 மில்லியன் அமெரிக்க டொலர்கள் என இலங்கை மத்திய வங்கி அறிவித்துள்ளது.
2025 ஒக்டோபரில் பதிவு செய்யப்பட்ட சுற்றுலா வருவாயின் அளவு $186.1 மில்லியன் ஆகும்.
2024 ஆம் ஆண்டின் முதல் 10 மாதங்களில் சுற்றுலா வருவாயில் கிடைத்த $2,533.7 மில்லியன் வருமானத்துடன் ஒப்பிடும்போது இது 4.9% அதிகரிப்பு என்று மத்திய வங்கி தெரிவித்துள்ளது.
இதனிடையே 2025 ஜனவரி 12 முதல் நவம்பர் மாதம் வரையான காலப்பகுதியில் 1,972,957 சுற்றுலாப் பயணிகள் நாட்டுக்கு வருகை தந்துள்ளனர்.
மேலும் நவம்பர் 1 முதல் 12 ஆம் திகதி வரை நாட்டிற்கு வருகை தந்த வெளிநாட்டு சுற்றுலாப் பயணிகளின் எண்ணிக்கை 82,270 ஆகும்.
இவர்களில் 443,622 சுற்றுலாப் பயணிகள் இந்தியாவிலிருந்தும், 180,592 பேர் ஐக்கிய இராச்சியத்திலிருந்தும், 144,308 பேர் ரஷ்யாவிலிருந்தும், 123,053 பேர் ஜெர்மனியிலிருந்தும், 115,400 பேர் சீனாவிலிருந்தும் வருகை தந்ததாக சுற்றுலா அபிவிருத்தி அதிகார சபை தெரிவித்துள்ளது.
