நுவரெலியா, அக்கரப்பத்தனை பிரதேசத்தில் நான் கையகப்படுத்தி இருப்பதாக கூறப்படும் காணி எனது தனிப்பட்ட சொத்தாகும்; அதற்கான ஆவணங்கள் என்னிடம் இருக்கின்றன என முன்னாள் பாராளுமன்ற உறுப்பினர் ரஞ்சித் சியம்பலாபிட்டி தெரிவித்துள்ளார்.
குறித்த பகுதியில் அவர் வைத்திக்கும் காணி தொடர்பில் விமர்சனம் எழுந்த நிலையில் அவர் இதனை குறிப்பிட்டுள்ளார்.
குறித்த காணி 20 வருடங்களுக்கு முன்னர் தனிப்பட்ட ரீதியில் தான் கொள்வனவு செய்தது எனவும் அதில் மறைப்பதற்கு ஒன்றும் இல்லை எனவும் நுவரெலியா மாவட்ட பாராளுமன்ற உறுப்பினருக்கு இது தொடர்பில் தவறான தகவல் கிடைக்கப்பெற்றுள்ளது எனவும் அவர் தெரிவித்துள்ளார்.
தாம் அரசியலுக்கு வருவதற்கு முன்னதாகவே பெருந்தோட்டத்துறை சார்ந்த வர்த்தகத்தில் ஈடுபட்டதாகவும் அது தனது பரம்பரை தொழிலாகும் எனவும் அவர் மேலும் குறிப்பிட்டார்.
அத்துடன் அரசியல் வாதிகளும் ஊடகங்களும் தவறான தகவல்களின் உண்மை தன்மையை உறுதிப்படுத்தப்பட வேண்டும் எனவும் தனிப்பட்ட ரீதியில் நபர் ஒருவர் தொடர்பில் தகவல்களை வெளியிடும் போது மிகவும் பொறுப்புடன் செயல்பட வேண்டும் என்றும் அவர் குறிப்பிட்டுள்ளார்.
