ரஷ்யாவிலிருந்து எண்ணெய் கொள்முதல் செய்வது தொடர்பான அமெரிக்காவின் குற்றச்சாட்டுகளுக்கு இந்தியா பதிலளித்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
அதன்படி, அமெரிக்காவின் குற்றச்சாட்டுகள் நியாயமற்றவை என்று இந்திய வெளியுறவு அமைச்சு கூறியுள்ளதாக தெரிவிக்கப்பட்டுள்ளது.
இந்தியா ரஷ்யாவிலிருந்து தேவை அடிப்படையில் மட்டுமே இறக்குமதி செய்கிறது, மேலும் இந்திய நுகர்வோருக்கு கணிக்கக்கூடிய மற்றும் மலிவு விலையில் எரிசக்தி செலவுகளை உறுதி செய்வதே அதன் நோக்கம் என்றும் அமைச்சு சுட்டிக்காட்டியுள்ளது.
எனவே, இந்தியாவின் வர்த்தகக் கொள்கையை அமெரிக்கா விமர்சிப்பது நியாயமற்றது என்று இந்திய வெளியுறவு அமைச்சு கூறியுள்ளது.
இந்தியா தனது தேசிய நலன்களையும் பொருளாதார பாதுகாப்பையும் பாதுகாக்க தேவையான நடவடிக்கைகளை எடுக்கும் என்றும் உக்ரைனில் மோதல் தொடங்கிய பின்னர் பாரம்பரிய விநியோகச் சங்கிலியில் ஏற்பட்ட இடையூறுகள் இந்தியா ரஷ்யாவிலிருந்து மசகு எண்ணெயை இறக்குமதி செய்ய வழிவகுத்தன என்று இந்திய வெளியுறவு அமைச்சு ஒரு அறிக்கையை வெளியிட்டுள்ளது
