நாட்டில் ஏற்பட்டுள்ள பொருளாதார நெருக்கடியினை தொடர்ந்து கட்டட நிர்மான பொருட்களின் விலைகள் என்றுமில்லாதவாறு விலைகள் அதிகரிக்கப்பட்டன.
இதனால் நுவரெலியா மாவட்டத்தில் பலர் நிர்மானப்பணிகளை நிறுத்தியுள்ளதனால் மேசன் மற்றும் தச்சு தொழில் உட்பட கூலி தொழிலில் ஈடுபடுபவர்கள் பலர் பாதிப்புக்குள்ளாகியுள்ளதாக கட்டட தொழிலில் ஈடுப்படுபவர்கள் தெரிவிக்கின்றனர்.குறித்த தொழிலினை நம்பி பலர் பல்வேறு சுய தொழில்களில் ஈடுப்பட்டு வருகின்றனர.; குறிப்பாக சீமந்துக்கல் தயாரித்தல்,மணல் கொண்டு வருதல்,நிலைகள,; ஜன்னல்கள் தளபாடங்கள் தயாரித்தல்,பலகை விற்பனையாளர்கள்,சீமந்து விற்பனை,இருப்பு விற்பனை,தளம் வெட்டும் பெக்கோ இயந்திரவியலாளர்கள்,கற்குவாரியில் வேலை செய்பவர்கள,; பட வரைஞர்கள்,கூலி வாகன ஓட்டுநர்கள்,உள்ளிட்ட பல தோழில் துறை சார்ந்தவர்கள் பாதிப்புக்குள்ளாகியுள்ளதாக தெரிவிக்கப்படுகிறது.
குறித்த தொழிலினை மாத்திரம் நம்பி வாழ்ந்த பல குடும்பங்கள் இன்று நடுத்தெருவுக்கு வந்துள்ளதாகவும் இதனால் இவர்களின் குடும்பங்கள் பாரிய பொருளாதார நெருக்கடிக்கு முகம் கொடுத்துள்ளதாகவும் பலர் தெரிவிக்கின்றனர்.
எனவே இது குறித்து அரசாங்கம் கவனமெடுத்து கட்டட பொருட்கள் விலை அதிகரிப்பினை கருத்தில் கொண்டு இந்த துறைகளில் ஈடுபடுபவர்களை பாதுகாக்க நடவடிக்கை எடுக்கப்ப வேண்டும் என இவர்கள் கோரிக்கை விடுக்கின்றனர்.
மலைவாஞ்ஞன்
