உன்னி முகுந்தன் நடித்து சூப்பர் ஹிட்டான ‘மார்கோ’ படத்தை தயாரித்த ஷெரிப் முகம்மது, தனது கியூப்ஸ் என்டர்டெயின்மென்ட்ஸ் சார்பில் அடுத்துத் தயாரிக்கும் படம், ‘காட்டாளன்’.
இதில் மலையாள நடிகர் பிபி (ஆண்டனி வர்கீஸ்) முதன்மைப் பாத்திரத்தில் நடிக்கிறார். இதில் ரஜிஷா விஜயன் நாயகியாக நடிக்கிறார். தெலுங்கு நடிகர் சுனில், கபீர் துகான் சிங், ராப்பர் பேபி ஜீன், ராஜ் திரண்டாசு, பாலிவுட் நடிகர் பார்தத் திவாரி ஆகியோர் நடிக்கின்றனர்.
அஜனீஷ் லோக்நாத் இசை அமைக்கும் இப்படத்தை பால் ஜார்ஜ் இயக்குகிறார். தாய்லாந்தில் இதன் ஆக்ஷன் காட்சிகள் படமாக்கப்பட்டன. அப்போது, யானை தொடர்பான காட்சியில், ஆண்டனி காயம் அடைந்தார். புகழ் பெற்ற தாய்லாந்து படமான ‘ஓங்க்- பேக்’ (Ong-Bak) படத்தின் ஆக்ஷன் இயக்குநர் கேச்சா காம்பக்டீ மற்றும் அவருடைய குழுவினர் இந்தக் காட்சிகளை அமைத்தனர். இதில் ஓங்க்- பேக்’ படத்தில் நடித்த புகழ்பெற்ற யானையான பொங், இதிலும் நடித்துள்ளது. இப்படம் மலையாளம், தமிழ், தெலுங்கு, கன்னடம், இந்தி மொழிகளில் வெளியாக இருக்கிறது.
