அமைச்சர் பந்துல குணரத்னவை கடற்றொழில் அமைச்சர் டக்ளஸ் தேவானந்தா யாழ்ப்பாணம் புகையிரத நிலையத்தில் வரவேற்றிருந்தார். எதிர்வரும் முதலாம் திகதி கொழும்பில் இருந்து யாழ்ப்பாணத்திற்கான இரவு நேர அதிசொகுசு கடுகதி சுற்றுலா ரயில் சேவை ஆரம்பிக்கப்படவுள்ளதாக அமைச்சர் பந்துல குணவர்தன தெரிவித்துள்ளார்.
இதனிடையே, கொழும்பு கோட்டையில் இருந்து யாழ்ப்பாணம் நோக்கிய விசேட ரயில் இன்று (வியாழக்கிழமை – 13) தனது பயணித்தை ஆரம்பித்துள்ளது.
இந்த விசேட ரயிலில் போக்குவரத்து, பெருதெருக்கள் மற்றும் ஊடகத்துறை அமைச்சர் பந்துல குணவர்த்தன உட்பட்ட ரயில்வே திணைக்கள அதிகாரிகள் அனுராதபுரம் தொடக்கம் வவுனியா வரையில் அமைக்கப்பட்ட புதிய ரயில் பாதை அமைப்பின் கண்காணிப்பு நடவடிக்கையாக யாழ்ப்பாணம் வருகை தந்தனர்.
இந்த விசேட ரயிலானது காலை 5.45 மணிக்கு புறப்பட்டதுடன் யாழ்ப்பாணம் பிரதான ரயில் நிலையத்தை மாலை மூன்று மணியளவில் வந்தடைந்தது. இதன்போது அமைச்சர் பந்துல குணரத்னவை கடற்றொழில் அமைச்சர் டக்ளஸ் தேவானந்தா யாழ்ப்பாணம் புகையிரத நிலையத்தில் வரவேற்றிருந்தார் என்பதும் குறிப்பிடத்தகக்து.
