ஜப்பானுடன் பாரிய வர்த்தக ஒப்பந்தம் ஒன்றுக்கு உடன்பட்டுள்ள அமெரிக்கா, இறக்குமதி செய்யப்படும் பொருட்களுக்கு 15 % வரி விதிக்க முடிவு செய்துள்ளது.
ஒப்பந்தத்தின்படி, அமெரிக்காவில் தயாரிக்கப்பட்ட கார்கள், லொரிகள், அரிசி மற்றும் சில விவசாய பொருட்கள் உள்ளிட்ட பிற இறக்குமதி செய்யப்பட்ட பொருட்களுக்கான 15 சதவீத வரியை ஜப்பான் குறைத்துள்ளது.
இந்த ஒப்பந்தம் ஊடாக அமெரிக்காவிற்கு ஜப்பானிய முதலீட்டில் 550 பில்லியன் டொலர்களைக் கொண்டுவரும் என எதிர்பார்க்கப்படுகிறது என்று ட்ரூத் சோஷியல் கணக்கில் அமெரிக்க ஜனாதிபதி ட்ரம்ப் கூறியுள்ளார்.
மேலும் இந்த முடிவு அமெரிக்காவிற்கு நல்ல காலத்தைத் தரும் என்றும் ஜப்பானுடன் சிறந்த உறவுக்கு வழிவகுக்கும் என்றும் ட்ரம்ப் குறிப்பிட்டுள்ளார்.
ஜப்பான் மற்றும் தென் கொரியா உட்பட 14 நாடுகளில் இருந்து இறக்குமதி செய்யப்படும் பொருட்களுக்கு 25 சதவீத வரியை ட்ரம்ப் முன்னர் அறிவித்திருந்தார்.
தொடர்புடைய வரிகள் விதிக்கப்படுவது குறித்து டிரம்ப் எழுத்துப்பூர்வ அறிவிப்பை வழங்கியிருந்தார், மேலும் இந்த வரிகள் ஆகஸ்ட் 1 ஆம் திகதி முதல் அமல்படுத்த திட்டமிடப்பட்டிருந்தது.
இந்நிலையில் ஜப்பானுக்கான வரியை 15 சதவீதமாக குறைக்க தீர்மானிக்கப்பட்டுள்ளது.
