தித்வா சூறாவளிக்குப் பின்னர் இலங்கை எதிர்கொள்ளும் முக்கியமான பொருளாதார சவால்கள் குறித்து கலந்துரையாட எதிர்க்கட்சித் தலைவர் சஜித் பிரேமதாச இன்று (11) ஐரோப்பிய ஒன்றியத்தின் உயர்மட்டப் பிரதிநிதிகள் குழுவை கொழும்பில் சந்தித்தார்.
இச்சந்திப்பில், ஐரோப்பிய வெளிநடவடிக்கை சேவையின் (EEAS) ஆசிய மற்றும் பசுபிக் பிராந்தியத்திற்கான பதில் முகாமைத்துவ பணிப்பாளர் பவோலா பம்பலோனி (Paola Pampaloni), இலங்கைக்கான ஐரோப்பிய ஒன்றிய தூதுவர் திருமதி கார்மென் மொரேனோ(Carmen Moreno), Ms. Ann Vanhout மற்றும் Ms. Galija Agisheva ஆகியோர் பங்கேற்றனர்.
தித்வா சூறாவளியால் இலங்கைக்கு 7 பில்லியன் அமெரிக்க டொலர் பொருளாதார இழப்பு ஏற்பட்டதாக மதிப்பிடப்பட்டுள்ளதால், நாடு பாரம்பரிய கடன் அடிப்படையிலான மீட்சியை மேற்கொள்ள முடியாது என்பதால், தேசிய மீள்தன்மைக்கான பரந்த மூலோபாயத்தை முன்வைத்தார்.
கடன் வலையில் சிக்காமல் நாட்டை மீண்டும் கட்டியெழுப்ப ஐரோப்பிய ஒன்றியத்தின் ஆதரவை எதிர்க்கட்சித் தலைவர் சஜித் பிரேமதாச இங்கு வலியுறுத்தினார்.
🟩மீட்சிக்கான புதிய உத்தி
இந்த கலந்துரையாடலின் போது, எதிர்க்கட்சித் தலைவர் சஜித் பிரேமதாச ஆறு அம்சங்களைக் கொண்ட கட்டமைப்பை முன்வைத்தார். இதில் பொருளாதார சீர்திருத்தங்கள் ஜனநாயக சீர்திருத்தங்களுடன் ஒருங்கிணைக்கப்பட வேண்டும் என்று தெரிவித்தார்.
அவ்வாறே எதிர்க்கட்சித் தலைவர் சஜித் பிரேமதாச முன்வைத்த முக்கிய முன்மொழிவுகளாவன:
• கடன் பெறுவதற்கு அல்ல, மானியங்கள்/உதவிகளைப் பெறுவதற்கான நடவடிக்கை. அதாவது சர்வதேச நன்கொடையாளர்கள் மாநாட்டை நடத்துமாறு எதிர்க்கட்சித் தலைவர் ஐரோப்பிய ஒன்றியத்திடம் கோரினார். பேரழிவால் ஏற்பட்ட சேத இடைவெளியை நிரப்ப மானியங்கள் மற்றும் கடன் அல்லாத நிதியுதவியை வலுப்படுத்துவது இதன் நோக்கமாகும்.
• வர்த்தக நெகிழ்வுத்தன்மை. அதாவது, ஐரோப்பிய ஒன்றியம் அத்தியாவசிய வர்த்தக பங்காளியாக அங்கீகரிக்கப்பட்டு, GSP+ இணக்கம் மற்றும் “தோற்ற விதிகள்” தொடர்பான தற்காலிக நெகிழ்வுத்தன்மையை கோரினார். இது சூறாவளியால் பாதிக்கப்பட்ட ஆடை மற்றும் விவசாயத் துறைகள் மீண்டும் முந்தைய நிலைக்கு வர வாய்ப்பளிக்கும்.
• பாதிக்கப்படக்கூடியவர்களுக்கு IMF நிவாரணம். அதாவது, தற்போதைய IMF கட்டமைப்பிற்குள் “பேரிடர்-செலவுகளுக்கு” எதிர்க்கட்சித் தலைவர் சஜித் பிரேமதாச இங்கு பரிந்துரைத்தார். தற்போது கடுமையான அபாயத்தை எதிர்கொள்ளும் 275,000 குழந்தைகள் மற்றும் மில்லியன் கணக்கான குடிமக்களைப் பாதுகாப்பதற்கு இது அவசியம் என்று அவர் வலியுறுத்தினார்.
• மிகவும் நடைமுறை பேரிடர் முகாமைத்துவ பொறிமுறையை நிறுவுதல். அதாவது இலங்கையின் முன் பேரிடர் எச்சரிக்கை அமைப்புகள் மற்றும் பேரிடர் முகாமைத்துவச் சட்டத்தை சீர்திருத்துவதற்கு ஐரோப்பிய ஒன்றியத்தின் தொழில்நுட்ப நிபுணத்துவத்தை அவர் கோரினார். இந்த செயல்முறை தொழில்முறை, வெளிப்படையாக இருக்க வேண்டும் என்றும் வலியுறுத்தினார்.
• பசுமை வேலை வாய்ப்புகள். பசுமை வேலை வாய்ப்புகளை உருவாக்குதல் மற்றும் கடுமையாகப் பாதிக்கப்பட்ட பகுதிகளில் காலநிலை-எதிர்ப்பு தொழில்துறை வலயங்களை கட்டியெழுப்ப EU இன் “உலகளாவிய நுழைவாயில்” முன்னெடுப்பைப் பயன்படுத்துவது குறித்து இந்த கலந்துரையாடலில் கவனம் செலுத்தப்பட்டது.
• நிர்வாகம் மற்றும் உரிமைகள். அதாவது ஊழல் எதிர்ப்பு நடவடிக்கைகளை நிறுவனமயமாக்குதல், பயங்கரவாதத் தடுப்புச் சட்டத்தை (PTA) சர்வதேச தரநிலை சட்டங்களுடன் மாற்றுதல் மற்றும் டிஜிட்டல் சுதந்திரத்தைப் பாதுகாக்க நிகழ்நிலைக்காப்புச் சட்டத்தைத் திருத்துதல் ஆகியவற்றை மேற்கொள்ள வேண்டும் என்று சுட்டிக்காட்டினார்.
🟩மக்களுக்கு மதிப்புமிக்க எதிர்காலம்
புள்ளிவிவரங்களுக்குப் பின்னால் உள்ள மக்களுக்காக எதிர்க்கட்சித் தலைவர் சஜித் பிரேமதாச இங்கு ஐரோப்பிய ஒன்றியத்தின் கவனத்தை திசைமுகப்படுத்தினார். “இந்தியப் பெருங்கடலின் முத்து” என்று பாராட்டப்பட்ட நமது நாடு பல தசாப்த கால கொந்தளிப்புகளை எதிர்கொண்டிருந்தாலும், அதன் 22 மில்லியன் அப்பாவி குடிமக்கள் ஈர்க்கக்கூடிய புன்னகையுடனும் ஒவ்வொரு சவாலையும் எதிர்கொண்டுள்ளனர் என்று பிரதிநிதிகள் குழுவுக்கு நினைவுபடுத்தினார்.
எனவே “இந்த அழகான நாடும் அதன் மக்களும் அந்த மீள்தன்மையை மதிக்கும் எதிர்காலத்தைப் பெற வேண்டும்” என்று எதிர்க்கட்சித் தலைவர் சஜித் பிரேமதாச தெரிவித்தார். “நமது தேசம் பொருளாதார மீட்சியும் ஜனநாயக முறையின் விரிவாக்கமும் கைகோர்க்க வேண்டிய முக்கியமான சந்திப்பில் உள்ளது” என்றும் எதிர்க்கட்சித் தலைவர் இங்கு சுட்டிக்காட்டினார்.
ஐரோப்பிய ஒன்றியப் பிரதிநிதிகள் குழு இந்த பயனுள்ள முன்மொழிவுகளை ஏற்றுக்கொண்டு, பல ஆண்டு குறிகாட்டி திட்டங்கள் மூலம் இலங்கையின் ஸ்திரத்தன்மைக்கான தங்கள் அர்ப்பணிப்பை மீண்டும் வலியுறுத்தினர்.
🟩 வெளிநாட்டு இலங்கையர்களின் ஆதரவையும் பெறுதல்.
இறுதியாக எதிர்க்கட்சித் தலைவர் சஜித் பிரேமதாச, அரசின் கடன் பெறும் திறன் முடிவடைந்து பாரம்பரிய வழிகள் மூடப்பட்டுள்ளதால், உலகளாவிய நம்பிக்கையை மீட்டெடுக்க ஒரே வழி வெளிப்படையான, ஊழல் இல்லாத மீட்சி பொறிமுறை என்று கூறினார். எனவே சர்வதேச நன்கொடையாளர்களிடம் இருந்து மட்டுமல்ல, இறுதியில் தங்கள் பங்களிப்பை மதிக்கும் தாய்நாட்டுக்கு உதவ காத்திருக்கும் நமது சொந்த வெளிநாட்டு சமூகத்திடம் இருந்து அத்தியாவசிய ஆதரவைப் பெற உலகம் நம்பும் கட்டமைப்பை நாம் கட்டியெழுப்ப வேண்டும் என்றும் எதிர்க்கட்சித் தலைவர் இங்கு மேலும் குறிப்பிட்டார்.
