பொகந்தலாவை பொதுசுகாதார வைத்திய அதிகாரப்பிரிவு மற்றும் அம்பகமுவ பொதுசுகாதார வைத்திய அதிகாரப்பிரிவுக்குட்பட்ட பகுதியில் 57 கொரோனா தொற்றாளர்கள் அடையாளம் காணப்பட்டுள்ளதாக சுகாதாரப்பிரிவினர் தெரிவித்தனர்.
பொகவந்தலாவை சுகாதாரப்பிரிவில் நேற்று வெளியான பி.சி.ஆர் முடிவுகளின் படி 42 பேரும் அம்பகமுவ பொதுசுகாதார வைத்திய அதிகாரப்பிரிவுக்கு உட்பட்ட சமனலகம, ஹட்டன் சுற்றுப்புற வீதி, புறுட் ஹில், கந்தையா கட்டிடம் உள்ளிட்ட பகுதிகளில் இருந்து 15 பேர் அடையாளம் காணப்பட்டுள்ளதாக பொதுசுகாதார பரிசோதகர் இராமையா பாலகிருஸ்ணன் தெரிவித்தார்.
தொற்றாளர்களுடன் நெருங்கிய தொடர்பை பேணியவர்களை தனிமைப்படுத்தும் நடவடிக்கை எடுக்கப்பட்டு வருவதாகவும், ஹட்டன் பகுதியில் தொற்றாளர்களுடன் தொடர்பை பேணிய 16 பேரும் தனிமைப்படுத்தப்பட்டுள்ளதாக ஹட்டன் பொதுசுகாதார பரிசோதகர் மேலும் தெரிவித்தார்.
கே.சுந்தரலிங்கம்
