ஆஸ்திரேலியாவின் முன்னாள் பேட்டர் டேமியன் மார்ட்டின் (54), குவீன்ஸ்லாந்து மாகாண மருத்துவமனையில் மூளை அழற்சி அல்லது மூளைக்காய்ச்சல் (Meningitis) நோய்க்கு சிகிச்சை பெற்று வருகிறார்.
கடந்த டிசம்பர் 26, பாக்ஸிங் டே அன்று திடீரென உடல்நலக் குறைவு ஏற்பட்டதைத் தொடர்ந்து அவர் மருத்துவமனையில் அனுமதிக்கப்பட்டார். தற்போது அவர் செயற்கை கோமா நிலையில் வைக்கப்பட்டுள்ளதாக தகவல்கள் தெரிவிக்கின்றன.
புதன்கிழமை முதல் பல முன்னாள் கிரிக்கெட் வீரர்கள் சமூக வலைதளங்களில் மார்டினுக்கு ஆதரவாக பதிவிட்டு வருகின்றனர். முன்னாள் ஆஸ்திரேலிய வீரர் டேரன் லீமன், “டேமியன் மார்டினுக்கு நிறைய அன்பும் பிரார்த்தனைகளும். தைரியமாக போராடுங்கள். குடும்பத்தினருக்கு என் அன்பு,” என்று X தளத்தில் பதிவிட்டுள்ளார்.
