மோசமான விளைவுகளை சந்திக்க நேரிடும்: வெனிசுலா புதிய அதிபருக்கு ட்ரம்ப் எச்சரிக்கை!

இரு​வரும் அமெரிக்காவின் நியூ​யார்க் சிறை​யில் அடைக்​கப்​பட்டு உள்​ளனர். இதைத் தொடர்ந்து வெனிசுலா துணை அதிபர் டெல்சி ராட்​ரிக்​ஸ், அந்த நாட்​டின் செயல் அதிப​ராக பதவி​யேற்று நாட்டை வழிநடத்தி வரு​கிறார்.

இந்த சூழலில் அமெரிக்க அதிபர் ட்ரம்ப் ஊடகங்​களில் கூறி​யிருப்​ப​தாவது: வெனிசுலா மக்​களின் நலன்​களில் அமெரிக்கா மிகுந்த அக்​கறை கொண்​டிருக்​கிறது. அந்த நாட்டு மக்​களின் நலன்​களுக்கு தேவை​யான நடவடிக்​கைகளை அமெரிக்கா மேற்​கொள்​ளும்.

அமெரிக்காவுக்கு இணக்​க​மாக டெல்சி செயல்​பட்​டால், வெனிசுலா​வில் அமெரிக்க ராணுவத்தை நிலைநிறுத்த வேண்​டிய அவசி​யம் ஏற்​ப​டாது. ஒரு​வேளை அவர் எதிர்​மறை​யாக செயல்​பட்​டால் அதற்​கேற்ப நடவடிக்கை எடுப்​போம். இவ்​வாறு அவர் கூறினார்.

அமெரிக்க வெளி​யுறவு அமைச்​சர் மார்கோ ரூபியோ கூறும்​போது, “வெனிசுலா மீதான அமெரிக்காவின் ராணுவ நடவடிக்​கையை ஆக்​கிரமிப்​பாகக் கருதக்​கூ​டாது. நாங்​கள் வெனிசுலாவை ஆக்​கிரமிக்​க​வில்​லை” என்றார். அமெரிக்க தொழில​திபர் எலான் மஸ்​கின் ஸ்டார்​லிங்க் நிறு​வனம் வெனிசுலா நலன் கருதி பிப்ரவரி 3-ம் தேதி வரை இலவச இணைய சேவை வழங்குகிறது.