நடிகர் விஜய்யின் மகன் ஜேசன் சஞ்சய் இயக்குநராக அறிமுகமாகும் ‘சிக்மா’ படத்தை லைகா நிறுவனம் தயாரிக்கிறது. ஆக் ஷன் அட்வென்சர் காமெடி திரைப்படமான இதில் சந்தீப் கிஷன் கதாநாயகனாக நடிக்கிறார். அவருடன் ஃபரியா அப்துல்லா, ராஜு சுந்தரம், அன்புதாசன், யோக் ஜேபி, சம்பத் ராஜ் என பலர் நடித்துள்ளனர்.
தமிழ், தெலுங்கு உள்பட பன்மொழி படமாக உருவாகும் இதன் படப்பிடிப்பு முடிவடைந்துவிட்டதாகவும் டிச. 23-ம் தேதி டீஸர் வெளியாகும் என்றும் லைகா நிறுவனம் சமூக வலைதளத்தில் தெரிவித்துள்ளது. “இப்படம் சமூகத்தால் முழுமையாகப் புரிந்து கொள்ளப்படாத ஒருவன் தன் இலக்குகளை நோக்கி நகர்வதைப் பேசும். வேட்டை, கொள்ளை, காமெடி என இந்தப் படம் பரபரப்பான சினிமா அனுபவத்தைக் கொடுக்கும்” என்று இயக்குநர் சஞ்சய் ஏற்கெனவே தெரிவித்திருந்தார்.
