ஹட்டன் கல்வி வலயத்திற்குட்பட்ட ஹட்டன் ஹைலன்ஸ் மத்திய தேசிய கல்லூரியில் வெளியாகிய தரம் ஐந்து புலமைபரிசில் பரீட்சையில் 61 மாணவர்களை சித்திபெற செய்து வரலாற்று சாதனை படைத்துள்ளதாக கல்லூரியின் அதிபர் எஸ்.ராஜன் தெரிவித்தார்.
தரம் ஐந்து புலமை பரிசில் பரீட்சையின் பெறுபேறுகள் நேற்று நல்லிரவு வெளியாகியது. குறித்த பரீட்சையில் பரீட்சைக்கு தோற்றிய 108 மாணவர்களில்; 61 மாணவர்கள் மாவட்டத்தின் வெட்டுப்புள்ளிக்கு மேல் பெற்று சித்தி பெற்றுள்ளதாகவும் இம்முறையும் நூறு சதவீதமான மாணவர்கள் 70 புள்ளிகளுக்கு மேல் பெற்றுள்ளதாகவும் இதில் ஒரு மாணவன் 193 அதிகூடிய புள்ளிகளை பெற்று பாடசாலைக்கு பெருமை சேர்துள்ளதாகவும் இம் முறை பரீட்சை முடிவுகளின் படி 58 சதவீதத்தினை குறித்த கல்லூரி பெற்றுள்ளதாகவும் அவர் இதன் போது தெரிவித்தார்.
இந்த பெறுபேறுகளை பெற்றுக்கொள்வதற்காக உழைத்த முன்னாள் அதிபர் மற்றும் பிரதி சிரேஸ்ட்ட அதிபர் சுகுமார் உட்பட வகுப்பாசிரியர்கள்,பாடசாலை பழைய மாணவர்கள் பெற்றோர்கள் நலன் விரும்பிகள் உட்பட அனைவருக்கும் இந்த வேளையில் நன்றிகளையும் பாராட்டுக்களையும் தெரிவிப்பதாகவும் அவர் இதன் போது தெரிவித்தார்.
தரம் ஐந்து புலமைப்பரிசில் பரீட்சை இந்த ஆண்டு 2,888 மத்திய நிலையங்களில் பரீட்சை கடந்த 15 ம் திகதி நடைபெற்றது.
குறித்த பரீட்சைக்கு நாடாளவிய ரீதியில் 3,37,596 மாணவர்கள் தோற்றியிருந்தனர்.
ஹட்டன் கல்வி வலயத்தில் இவ்வருடம் பரீட்சைக்கு 34 மத்திய நிலையங்களில் பரீட்சைகள் நடைபெறுகின்றன.
இந்த பரீட்சைக்கு தமிழ் மற்றும் சிங்கள பாடசாலைகளிலிருந்து 4140 மாணவர்கள் பரீட்சைக்கு தோற்றியிருந்தமையும் குறிப்பிடத்தக்கது.
நுவரெலியா மாவட்டத்தின் வெட்டுப்புள்ளி சிங்கள மொழிமூல மாணவர்களுக்கு 145ம் தமிழ் மொழி மூல மாணவர்களுக்கு 144 புள்ளிகளும் மாவட்ட வெட்டுப்புள்ளிகளாக அறிவிக்கப்பட்டுள்ளன.
மலைவாஞ்ஞன்
