ஹட்டன் டிக்கோயா நகரசபை எல்லை பகுதியில் மக்கள் நலன் சார்ந்த பல்வேறு அபிவிருத்தி தி;ட்டங்களை கடந்த ஒரு வருட காலப்குதியில் தும்புறுகிரி நலன்புரி அபிவிருத்தி சங்கம் முன்னெடுத்துள்ளதாக அதன் தலைவர் கே.ஜெயராம் தெரிவித்தார்.நேற்று மாலை (14) ஹட்டனில் நடைபெற்ற ஊடக சந்திப்பொன்றின் போதே அவர் இவ்வாறு தெரிவித்தார்.
அவர் அங்கு தொடர்ந்து கருத்து தெரிவிக்கையில் கடந்த காலங்களில் பிரதேசத்தின் அபிவிருத்தி கருதி பல்வேறு சமூக நலன் சார்ந்த வேலைத்திட்டங்களை முன்னெடுத்தோம்.அதில் குறிப்பாக ஹட்டன் பகுதியில் பெரும்பாலான மக்கள் வாழகின்ற போதிலும் ஹட்டன் பகுதியில் நியாய விலையில் மருந்துகளை பெற்றுக்கொள்வதற்கு ஒசுஹல ஒன்று கிடையாது.
இது குறித்த நாங்கள் மத்திய மாகாண ஆளுநர் அவர்களிடம் கலந்துரையாடிய போது அவர் அதனை உடனடியாக பெற்றுத்தருவதற்கான நடவடிக்கைகளை முன்னெடுத்துள்ளார். அது மாத்திரமன்றி அவரிடம் நாங்கள் வைத்த பல கோரிக்கைகளுக்கு அவர் அதனை செய்து தருவதாக எழுத்து மூலம் எமக்கு அறியப்படுத்தியுள்ளதுடன் உரிய அதிகாரிகளும் அறிவித்துள்ளார்.
அதில் சத்துணவினை பெற்றுக்கொடுப்பதற்காக ஹெலபொஜூன் தேசிய உணவகம் ஒன்றினை ஹட்டன் புகையிரத நிலைய கட்டட தொகுதியில் நிறுவதற்கும்,தும்புறுகிரிய பிரதேச மக்களுக்கு எரிவாயு மண்ணெண்ணை,போன்றனவற்றை பிரத்தியேகமாக பெற்றுக்கொடுப்பதற்கும் அவர் இணக்கம் தெரிவித்தார்.
அதே நேரம் குறித்த சங்கத்திற்கு அலுவலகத்தினை நடத்தி செல்வதற்கு டிக்கோயா தோட்டத்திற்கு சொந்தமான ஜனவசம வீடு ஒன்றினை பெற்றுத்தருவதற்கு தேவையான ஆரம்பகட்ட வேலைகளையும் மேற்கொண்டுள்ளார். அது மாத்திரமின்றி ஹட்டன் பகுதிக்கு எம்,ஓ.எச்.அலுவலகம் ஒன்றினை பெற்றுக்கொடுப்பதற்கு நடவடிக்கை எடுப்பதாகவும் மேலும்; பல வேலைத்திட்டங்களுக்கு அவர் இணக்கம் தெரிவித்து அதற்குரிய நடவடிக்கைகளை மேற்கொண்டுள்ளதாகவும் அவர் இதன் போது தெரிவித்தார்.
இந்த நடவடிக்கை குறித்து விசேடமாக ஆளுநர் அவர்களுக்கும் அவரின் செயலாளர் அவர்களுக்கு இந்த வேலையில் நன்றியினை தெரிவிப்பதுடன் குறித்த வேலைத்திட்டங்களை மிக விரைவில் செய்து தருவார் என நம்புவதாக அவர் இதன் போது மேலும் தெரிவித்தார்
குறித்த சங்கத்தின் மூலம் கடந்த காலங்களில் மரம் நடுகை வைத்திய முகாம் வருமானம் குறைந்த குடும்பங்களுக்கு உலர் உணவு பொருட்டகள் விநியோகம் உள்ளிட்ட வேலைகளை சங்கத்தின் மூலம முன்னெடுத்துள்ளமையும் குறிப்பிடத்தக்கது
குறித்த கலந்துரையாலுக்கு உப தலைவர் சாந்தி முரளிதரன் செயலாளர் சிவநேசன்,பொருளாளர்,எம்.ரமேஸ்.ஆகியோர் கலந்து கொண்டிருந்தனர்.
மலைவாஞ்ஞன்
