நீண்ட தூர பயணங்களில் மக்களை ஏற்றிச் செல்லும் பேருந்துகள் மற்றும் வேன்களுக்கு விரைவில் புதிய விதிமுறை விதிக்கப்படும் என்று போக்குவரத்து அமைச்சர் பிமல் ரத்நாயக்க தெரிவித்துள்ளார்.
ஊடகங்களுக்கு பேட்டி அளித்த அமைச்சர் ரத்நாயக்க, இந்த விதிமுறை 06 முக்கிய காரணிகளை அடிப்படையாகக் கொண்டது என குறிப்பிட்டுள்ளார்.
100 கி.மீ.க்கு மேல் பயணங்களை மேற்கொள்ளும் பேருந்துகள் மற்றும் வேன்கள் பயணத்திற்கு முன் வாகன ஆய்வுச் சான்றிதழைப் பெறுவது கட்டாயமாக்கப்படும். இவை பெரிய அளவிலான சோதனைகள் அல்ல, ஆனால் டயர்கள், கண்ணாடிகள் மற்றும் பிரேக்குகளின் நிலை போன்ற ஆய்வுகள். மாகாணங்களைக் கடக்கும் அனைத்து பேருந்துகள் மற்றும் வேன்களும் பயணத்திற்கு 48 மணி நேரத்திற்கு முன்பு இந்த ஆய்வை நடத்தி தேவையான சான்றிதழைப் பெற வேண்டும். புதிய சட்டத்தின் கீழ் இது பரிந்துரைக்கப்பட்டுள்ளது.
அத்தகைய வாகனங்களில் ஓய்வு சுற்றுலாக்களில் ஈடுபடும் பொதுமக்கள், பயணத்திற்கு முன் வாகனம் தேவையான ஆய்வுகளுக்கு உட்பட்டுள்ளதா என்பதை உறுதி செய்ய வேண்டும் என அமைச்சர் தெரிவித்துள்ளார்..
பொது போக்குவரத்தில் பாதுகாப்பை தேவையான விதிமுறைகள் மூலம் மட்டுமே உறுதி செய்ய முடியும் என்று அவர் சுட்டிக்காட்டினார்.
