உயரிய தலைவராகப் பொறுப்பேற்கத் தயாராகும் “கிம் ஜாங் உன்” மகள்!

நாட்டின் முக்கிய ராணுவ தளபதிகள் சிறுமி ஜு ஏ-வுக்கு தலைவணங்கி மரியாதை செலுத்தும் புகைப்படங்கள் வெளியாகி உலக நாடுகளை வியப்பில் ஆழ்த்தியுள்ளன. தனது தந்தையை விடவும் அதிகாரமிக்க தோரணையில் வலம் வரும் ஜு ஏ-வுக்குத் தற்போது தீவிர அரசியல் பயிற்சி அளிக்கப்பட்டு வருவதாகத் தெரிகிறது.

வடகொரியா 1948-ல் உருவானது முதல் இன்றுவரை, கிம் குடும்பத்தைச் சேர்ந்த ஆண்கள் மட்டுமே அந்த நாட்டின் உச்ச அதிகாரத்தில் இருந்து வந்துள்ளனர் என்பது குறிப்பிடத்தக்கது.

ஆணாதிக்கம் நிறைந்த வடகொரிய அரசியலில், கிம் ஜாங் உன்னின் சகோதரி கிம் யோ ஜாங் ஏற்கனவே செல்வாக்குடன் விளங்குவது, கிம் ஜு ஏ ஒரு பெண் தலைவராக உருவெடுப்பதற்கு ஒரு வலுவான அடித்தளமாக அமைந்துள்ளது. இதன் மூலம் வடகொரியாவின் எதிர்கால அதிகாரம் ஒரு பெண் தலைவரின் கைகளுக்கு செல்வதற்கான சாத்தியக்கூறுகள் பிரகாசமாகி உள்ளதாக சர்வதேச பார்வையாளர்கள் கருத்து தெரிவித்துள்ளனர்.