தேர்தல் இ-சேவைகள் பற்றிய காத்தான்குடி வாழ் மக்கள் மத்தியில் விழிப்புணர்வூட்டும் ஒரு நிகழ்ச்சித்திட்டத்தை தேர்தல் ஆணைக்குழுவின் தகவல் மற்றும் தொடர்பாடல் தொழில்நுட்பப் பிரிவும் மட்டக்களப்பு மாவட்ட தேர்தல்கள் அலுவலகமும் இணைந்து ஒழுங்கு செய்தன.
அந்த நிகழ்ச்சித்திட்டம், அண்மையில் தேர்தல்கள் ஆணையாளர் நாயகம் சமன் ஸ்ரீ ரத்நாயக்க தலைமையில் காத்தான்குடி பிரதேச செயலகத்தில் நடைபெற்றது.
மட்டக்களப்பு மாவட்டத்திலுள்ள காத்தான்குடி நகரம், இந்நாட்டில் சிறப்பான அடையாளமொன்றைக் கொண்ட ஒரு நகர்ப்புறமாகும். நகரில் செழித்து வளர்ந்துள்ள பேரீச்சை மரங்களும் அரேபிய பாரம்பரியத்தைப் பறைசாற்றும் கண்கவர் கட்டிடங்களும் காரணமாக “குட்டி அரேபியா” என்று பெயர்பெற்ற காத்தான்குடி நகரம், இஸ்லாம் மதத்தைப் பின்பற்றும் முஸ்லிம் சமூகத்தினர் வாழும் ஒரு பிரதேசமாகும்.
இந்நாட்டில் மக்கள் அடர்த்தி அதிகமான நகரமாகவும் விளங்கும் காத்தான்குடியில் வாழ்வோர் பெரும்பாலும் வியாபாரிகளே. இதன் காரணமாக, இந்த சமூகத்தில் அரசாங்க அலுவலர்களும் நிறுவனங்களும் இணைந்து செயலாற்றுவதற்குள்ள வாய்ப்புகள் வரையறுக்கப்பட்டதாகவே உள்ளது. அதன் காரணமாக, தேர்தல் செயன்முறைக்குரிய தேருநர் இடாப்புப் பதிவு, தேருநர் இடாப்புத் தகவல்களைப் பெற்றுக்கொள்ளல், தேர்தல் செயன்முறை பற்றி அறிந்துகொள்ளும் போக்கு குறைவாக இருத்தல் முதலான பிரச்சினைக்குரிய நிலைமைகளும் ஏற்பட்டுள்ளன.
தேர்தல் ஆணைக்குழுவினால் விருத்திசெய்யப்பட்டுள்ள தேர்தல் இ-சேவை பாவனை மூலம் இப்பிரச்சினைகளைக் குறைத்துக்கொள்ளும் சந்தர்ப்பம் காணப்படுவதுடன், உயர் மக்கள் அடர்த்தி காணப்படுவதன் காரணமாக இ-சேவைப் பயன்படுத்தி முழு நகர மக்களின் நடவடிக்கைகளையும் மேற்கொள்வதன் மூலம் பொதுமக்கள் தேர்தல் ஆணைக்குழுவோடு மேற்கொள்ளும் அலுவலர்களான கிராம அலுவலர்களுக்கு அவர்களின் கடமைகளை நிகழ்நிலையாக மேற்கொள்வதற்கும் வாய்ப்பு கிடைக்கிறது. இதன்மூலம் மக்கள் உயரிய சேவையொன்றை செயல்திறனோடு பெற்றுக் கொள்ளக்கூடியதாக இருக்கும்.
அந்நிகழ்வில் காத்தான்குடி முஸ்லிம் சமூகத்தைப் பிரதிநிதித்துவப்படுத்தும் இளைஞர் யுவதிகளுக்கு தமது சமூகத்துக்கு தேர்தல் இ-சேவையைப் பயன்படுத்துவதற்கு உதவி இ-சேவை விழிப்பூட்டுநர்களாக (Eservices Awaker) பணியாற்றுவதற்காக பயிற்சியளிப்பதற்கு பயிற்றுவிப்பாளர்களாக பயிற்சியளிக்கும் நிகழ்ச்சித்திட்டமொன்று (TOT Programme) அமுல்படுத்தப்பட்டது.
இவ்வாறு பயிற்சி பெறும் இ-சேவை விழிப்பூட்டுநர்களின் ஆதரவுடன் காத்தான்குடி பிரதேச மக்களுக்கு அலுவலகமொன்றை அல்லது அலுவலர் ஒருவரை நாடிச் செல்லாமலே தேர்தல் இ-சேவைகளைப் பயன்படுத்தி தமது நடவடிக்கைகளை மேற்கொள்ளும் வாய்ப்பு கிடைப்பதோடு, இந்த நிகழ்ச்சித்திட்டத்திற்கு தேர்தல் ஆணைக்குழுவின் பணிப்பாளர் (தகவல் மற்றும் தொடர்பாடல் தொழில்நுட்பம்) திருமதி எச்.எச்.டீ.ஏ.டப்ளியு.
தமயந்தி அவர்கள் உள்ளிட்ட தேர்தல் இ-சேவைக் குழுவினரும் மட்டக்களப்பு மாவட்ட உதவித் தேர்தல்கள் ஆணையாளரான திரு. என். றேகன் உள்ளிட்ட மட்டக்களப்பு மாவட்ட தேர்தல் அலுவலகத்தின் அலுவலர்களும் வளப் பங்களிப்பை வழங்கினர்.
