நிவின் பாலி, மமிதா பைஜூ நடிப்பில் வெளியான ‘பெத்லஹேம் குடும்ப யூனிட்’ திரைப்படம், மலையாளத் திரையுலக வரலாற்றிலேயே அதிக வசூல் செய்த திரைப்படம் என்ற சாதனையைப் படைத்துள்ளது. இதற்கு முன் முதலிடத்தில் இருந்த ‘லோகா: சாப்டர் 1’ படத்தின் வசூல் சாதனையை முறியடித்து, இப்படம் இந்த புதிய மைல்கல்லை எட்டியுள்ளது.
திரையரங்குகளில் வெளியான 24-வது நாளில், இப்படத்தின் இந்திய மொத்த வசூல் ரூ.166.49 கோடியைக் கடந்துள்ளது. இந்திய அளவில் இப்படம் ரூ.142.56 கோடி வசூலித்துள்ளது. இதன் மூலம், படத்தின் ஒட்டுமொத்த உலகளாவிய வசூல் ரூ.309.05 கோடியைத் தொட்டுள்ளது.முன்னதாக முதலிடத்தில் இருந்த ‘லோகா: சாப்டர் 1’ படம் உலகளவில் ரூ.303.86 கோடி வசூலித்து சாதனை படைத்திருந்தது குறிப்பிடத்தக்கது.
கேரளாவில் மட்டும் ரூ.132.45 கோடியைக் கடந்து அதிக வசூல் செய்த படமாகத் திகழும் ‘பெத்லஹேம் குடும்ப யூனிட்’, வெளிநாடுகளிலும் பாக்ஸ் ஆபீஸில் மிகப்பெரிய வெற்றியைப் பதிவு செய்துள்ளது. 4-வது வார இறுதியில் பாக்ஸ் ஆபீஸில் 54% கூடுதல் வசூல் வளர்ச்சியைப் பதிவு செய்து, வசூல் வேட்டையைத் தொடர்ந்து தக்க வைத்துள்ளது.
