நாட்டில் நிலவும் சீரற்ற வானிலை காரணமாக மஹா ஓயாவில் நீர் மட்டத்தின் அளவு அதிகரித்துள்ளதாக தெரிவிக்கப்பட்டுள்ளது.
இதன் அடிப்படையில், அடுத்த 48 மணி நேரத்திற்குள் மகா ஓயா பள்ளத்தாக்கின் தாழ்வான பகுதிகளில் அதிக வெள்ளப்பெருக்கு ஏற்படக்கூடும் என்று எச்சரிக்கப்படுகிறது.
அதற்கமைய, அலவ்வ, திவுலப்பிட்டிய, மீரிகம, பன்னல, வென்னப்புவ, நீர்கொழும்பு, கட்டான, நாரம்மல (மரந்தகொல்ல கிராம சேவையாளர் பிரிவு) மற்றும் தங்கொடுவ பிரதேச செயலகப் பிரிவுக்குட்பட்ட மஹா ஓயா ஆற்றுப் பகுதியில் தாழ்நிலப் பிரதேசங்களில்வெள்ளம் ஏற்படக்கூடும் எனத் தெரிவிக்கப்படுகிறது.
அந்தப் பகுதிகளில் வசிக்கும் பொதுமக்களும், அந்தப் பகுதிகள் வழியாகப் பயணிக்கும் சாரதிகள் மற்றும் பயணிகளும் இந்த நிலைமை குறித்து மிகுந்த எச்சரிக்கையுடன் இருக்குமாறு கேட்டுக்கொள்ளப்படுகிறார்கள்.
