கமல்ஹாசன் நடிப்பில் கடந்தாண்டு வெளியான ‘விக்ரம்’ படம் சுமார் 450 கோடி ரூபாய் வரை வசூலித்தது. நடிகர் ரஜினிகாந்த் நடிப்பில் வெளிவந்திருக்கும் ‘ஜெயிலர்’ படம், உலகம் முழுவதும் பாக்ஸ் ஆபிஸில் மூன்றே நாட்களில் ரூ.200 கோடி வசூல் செய்திருப்பதாக தகவல் வெளியாகியுள்ளது.
நெல்சன் திலீப்குமார் இயக்கத்தில் நடிகர் ரஜினிகாந்தின் 169ஆவது படமாக உருவான ’ஜெயிலர்’ உலகம் முழுவதும் கடந்த 10ஆம் திகதி வெளியானது.
மக்கள் மத்தியில் பெரும் வரவேற்பை பெற்றுள்ள இத்திரைப்படம் உலகம் முழுவதும் மூன்றே நாட்களில் ரூ. 200 கோடி ரூபாய் வசூல் செய்துள்ளது.
ரஜினிகாந்த் படம் முதல் நாளில் ரூ.95.78 கோடியும், இரண்டாவது நாளில் ரூ.56.24 கோடியும், மூன்றாவது நாளில் ரூ.68.51 கோடியும் வசூல் செய்துள்ளதாக கூறப்படுகிறது.இதன்மூலம், படத்தின் மொத்த வசூல் உலகம் முழுவதும் ரூ 220.53 கோடியை எட்டியுள்ளதாகச் சொல்லப்படுகிறது.
கமல்ஹாசன் நடிப்பில் கடந்தாண்டு வெளியான ‘விக்ரம்’ படம் சுமார் 450 கோடி ரூபாய் வரை வசூலித்தது.அதே நேரம் ஜெயிலர் திரைப்படத்தை காண மக்கள் கூட்டம் திரையரங்குகளில் தொடர்ந்து அலைமோதும் நிலையில் ’விக்ரம்’ திரைப்படத்தின் சாதனையை முறியடிக்கும் என எதிர்பார்க்கப்படுகிறது.
