நாவலபிட்டி பொலிஸ் பிரிவிற்குட்பட்ட நாவலப்பிட்டி கம்பளை பிரதான வீதியில் முச்சக்கரவண்டியும் மோட்டார் சைக்கிளும் நேருக்கு நேர் மோதுண்டு விபத்துக்குள்ளானது இருவர் காயமடைந்து விபத்துக்குள்ளானதாக நாவலப்பிட்டி பொலிஸார் தெரிவித்தனர்.நாவலப்பிட்டி பத்துனுபிட்டிய ரயில் கடவைக்கருகிலே 11.05.2018 காலை 07 மணியளவிலே விபத்து இடம்பெற்றுள்ளது
கம்பளையிலிருந்து அதிகவேகமா நாவலப்பிட்டி வந்த முச்சக்கரவண்டி நாவலப்பிட்டியிலிருந்து கம்பளை நோக்கி சென்ற மோட்டார் சைக்கிளில் மோதுண்டே விபத்து இடம்பெற்றுள்ளது.
விபத்தில் முச்சக்கரவண்டியின் சாரதியும் அதில் பயணித்த ஒருவருமாக இருவர் காயமுற்ற நிலையில் நாவலப்பிட்டி வைத்தியசாலையில் அனுமதிக்கப்பட்டுள்ளதுடன் விபத்து தொடர்பில் மேலதிக விசாரணையை நாவலப்பிட்டி பொலிஸார் மேற்கொள்கின்றனர்.
நோட்டன் பிரிட்ஜ் நிருபர் மு.இராமச்சந்திரன்
