2023 ஆங்கில புத்தாண்டு ராசிபலன் முக்கியமானதாக அமைகிறது. ஏனெனில் ஆண்டு தொடக்கத்தில் சனிப் பெயர்ச்சி, ஆண்டின் நடுவில் குரு பெயர்ச்சி, பிற்பகுதியில் ராகு – கேது பெயர்ச்சி என நடக்கிறது. இதனால் 12 ராசியினருக்கு எப்படிப்பட்ட பலன்கள் கிடைக்கும் என்பதை சுருக்கமாக பார்ப்போம்.
புத்தாண்டு 2023 ராசிபலன் முக்கியமானதாக பார்க்கப்படுகிறது. ஆண்டு தொடக்கத்தில் ஜனவரி 17ல் கும்ப ராசியில் சனிப் பெயர்ச்சி, ஆண்டின் நடுவில் ஏப்ரல் 22ல் மீன ராசியில் குரு பெயர்ச்சி, பிற்பகுதியில் அக்டோபர் 30ல் ராகு – கேது பெயர்ச்சி என நடக்கிறது. இதனால் 12 ராசியினருக்கு எப்படிப்பட்ட பலன்கள் கிடைக்கும் என்பதை சுருக்கமாக பார்ப்போம்.
மேஷம் ஆண்டு ராசிபலன் 2023: உங்கள் மன உறுதி அதிகமாக இருக்கும்மேஷ ராசிக்கு இந்தாண்டு மன உறுதி அதிகமாக இருக்கும். உறுதியுடனும், தொடர்ந்து சுறுசுறுப்புடன் எந்த ஒரு செயலையும் செய்வீர்கள்.
தொழில், வணிகர்களுக்கு இந்தாண்டு சாதகமாக இருக்கும். நீங்கள் பூர்வீகமாகச் செய்து வரும் வணிக நடவடிக்கைகளில் தொடர்ந்து வெற்றி பெறுவீர்கள். வியாபாரத்தில் லாபம் தரும் சூழ்நிலை நீடிக்கும்.
அரசு ஊழியர்களுக்கு இந்த ஆண்டு சற்று கலவையான பலன்கள் தருவதாக இருக்கும். பெண்களுக்கு இந்த வருடம் சற்று கவனமாக இருக்க வேண்டிய ஆண்டு.
உணர்ச்சிவசப்படுவதையும், கோபத்தைக் கட்டுப்படுத்துவதும் அவசியம். அதிர்ஷ்டம் பெரியளவில் சாதகமாக இருக்காது என்பதால் லாட்டரி, பங்குகள் மற்றும் பந்தயத்தில் ஈடுபடுபவர்களுக்கு இந்தாண்டு மிதமான பலன்களைத் தரும்.
2023 நட்சத்திர பலன்
குருவின் 5ம் பார்வையால் மேஷ ராசியினருக்கு வாகனம், வீடு, மனை வாங்குதல் போன்றவற்றுக்கு சாதகமாக இருக்கும். காதல் விவகாரங்கள் ஏற்ற இறக்கங்களுடன் தொடர வாய்ப்புள்ளது, அதனால் கவனமாக அனுசரித்துச் செல்லவும். பிள்ளை தொடர்பான விஷயங்கள் அனுகூலமான சூழ்நிலை உருவாகும். குழந்தையின் முன்னேற்றம் இருக்கும். நீதிமன்ற வழக்குகளில் முன்னேற்றம் ஏற்படும்.
மேஷம் 2023 புத்தாண்டு ராசி பலன் : குரு, சனி அற்புத பலன்களைப் பெறப்போகும் ராசி
ரிஷபம் ஆண்டு ராசிபலன் 2023: போராட்டத்திற்குப் பிறகு வெற்றி கிடைக்கும்
ரிஷப ராசிக்கு இந்தாண்டு சற்று போராட்டம் நிறைந்த காலமாக இருக்கும். இருப்பினும் நிலைமை சற்று முன்னேற்றம் கிடைக்கும். நண்பர்கள் மற்றும் சக ஊழியர்களின் தொடர்ச்சியான ஒத்துழைப்பு இருக்கும்.
தேவையற்ற விவாதங்களிலிருந்து ஒதுங்கி இருப்பதும், பேச்சைக் குறைத்துக் கொள்வதால் பிரச்னைகளிலிருந்து தப்பிக்க முடியும். உடல்நலம் சம்பந்தமாக சிறுசிறு பிரச்சனைகள் ஏற்படலாம், அதே சமயம் சரியான மருத்துவத்தால் ஆரோக்கியத்தில் முன்னேற்றமும் பெறலாம்.
உணவு விஷயத்திலும், பானங்கள் விஷயத்திலும் கவனம் செலுத்துவதால் உடல் நலன் சிறக்கும் ஆண்டின் முதல் பாதியை விட, பிற்பாதி சிறப்பான சூழல்களும் சாதக நிலையும் உருவாகும்.
ரிஷபம் 2023 புத்தாண்டு பலன் :
திருமண யோகம், தொழில் முன்னேற்றம் என ராஜ வாழ்க்கை
மாணவர்கள் கவனத்துடன் படிப்பதால் நேரம் சாதகமானதாக இருக்கும். சமூகத்தில் உங்களின் கெளரவம் அதிகரிக்கும். நீதிமன்ற விஷயங்களில் பிரச்னைகள் தீர்க்கப்படும்.
காதல் விவகாரங்களில் சற்று மனதில் டென்ஷன் உருவாகும். ஆன்மிகப் பணிகளில் ஈடுபட வாய்ப்புள்ளது.
வியாபாரிகளுக்கு இந்த வருடம் சாதகமாக இருக்கும். லாபம் தரும் சூழ்நிலை உருவாகும். குறிப்பாக வேலை செய்பவர்களுக்கு இந்த வருடம் மிகவும் சாதகமாக இருக்கும். முன்னேற்றம் மற்றும் நிதி ஆதாய சூழ்நிலை ஏற்படும்.
2023 புத்தாண்டு நட்சத்திர பலன் : மேஷம் ரிஷபம் மிதுனம் கடகம் ராசிக்கான நட்சத்திர சுருக்கமான பலன்
மிதுன ஆண்டு ராசிபலன் 2023: வீண் செலவை தவிர்க்கவும்
மிதுன ராசிக்காரர்களுக்கு இந்த வருடம் இறைவனின் அருள் நிலைத்திருக்கும். மற்றவர்களை நம்புவதை விட, உங்களின் கடின உழைப்பை நம்பவும், இல்லையெனில் நீங்கள் ஏமாற்றப்படலாம்.
தேவையற்ற வீண் செலவை தவிர்க்கவும், இல்லையெனில் பல விதத்தில் நிதி சார்ந்த பிரச்னைகள் உருவாகலாம். பெரியளவில் முதலீடு செய்வதைத் தவிர்க்கவும். தேவையற்ற விவாதங்களைத் தவிர்க்கவும், பேச்சில் நிதானத்தைக் கடைப்பிடிக்கவும்.
உறவினர்கள் மற்றும் உடன்பிறந்தவர்களின் ஒருங்கிணைப்பில் சில குறைகள் ஏற்படலாம். மாணவர்களுக்கும் இந்த ஆண்டு சற்று சிரமமாகவே இருக்கும். கடின உழைப்பு இருந்தால் மட்டுமே நீங்கள் நினைத்ததை அடைய முடியும்.
காதல் உறவுகளில் ஏற்ற தாழ்வுகள் இருந்தாலும் பரஸ்பர ஒருங்கிணைப்பு இருக்கும். குழந்தை தொடர்பான விஷயங்களில் சில பதற்றம் ஏற்படலாம்.
மிதுனம் 2023 புத்தாண்டு ராசிபலன்: விடிவு காலம் பிறந்திடுச்சு!
எதிரிகள் விஷயத்தில் பிரச்சனை வரலாம், கவனமாக இருக்கவும். சனி பகவான் உங்கள் ராசிக்கு 6ம் வீட்டைப் பார்ப்பதால் எதிரிகளின் தொல்லை நீங்கும். குடும்ப வாழ்க்கை நிலைமைகள் சாதாரணமாக இருக்கும்.
வியாபாரிகளுக்கு இந்த வருடம் சுமாரானதாக இருக்கும். புத்திசாலித்தனமாக சந்தையில் பணத்தை முதலீடு செய்வது நல்லது.
கடகம் ஆண்டு ராசிபலன் 2023: தடைப்பட்ட பல பணிகள் முடிவடையும்
கடக ராசியினர் இந்தாண்டு தொடக்கத்தில் தடைகள், போராட்டங்களுக்கு பிறகே நல்ல பலன் கிடைக்கும். நண்பர்களின் ஆதரவு கிடைக்கும். சொத்துக்கள் வாங்கும் வாய்ப்பு உருவாகும். எதிர்பார்த்துக் காத்திருந்த பொருள் வாங்கும் வாய்ப்பு உண்டு.
தடைப்பட்ட வேலையை முடிக்க முடியும். உடன்பிறந்தவர்களின் ஆதரவு கிடைக்கும். எந்த ஒரு வேலையையும் அவசரத்துடன் செய்வதைத் தவிர்க்கவும். பொறுமை குறைய வாய்ப்புள்ளது, நிலம், வாகனம், வீடு வாங்க, விற்க நினைத்தால் அதற்கான சுப சூழ்நிலைகள் அமையும். அரசியல் பிரமுகர்களுக்கும் இந்த நேரம் சாதகமானது. அரசியலில் முன்னேற்றம் ஏற்பட வாய்ப்பு உண்டு.
பெற்றோரின் ஆரோக்கியத்தில் அக்கறை செலுத்துவது அவசியம். இந்த நேரம் மாணவர்களுக்கு சாதகமாக இருக்கும். படிப்பில் ஆர்வம் கூடும். ஊர் சுற்றும் வாய்ப்பு அமையும். ஆன்மிக சார்ந்த பயணங்களும் அமையும். குழந்தைகளின் பிரச்சனைகள் குறையும். இந்த ஆண்டு வியாபாரத்தில் கலவையான பலன் கிடைக்கும். ஆனால் சரியாக திட்டமிட்டு கடினமாக உழைத்தால் வியாபாரத்தில் பெரிய லாபம் கிடைக்கும்.
கடகம் 2023 புத்தாண்டு பலன்கள் : கஷ்டம், கடினத்தை கடக்க வேண்டிய ஆண்டு
சிம்மம் ஆண்டு ராசிபலன் 2023: இந்த ஆண்டு அதிர்ஷ்ட நட்சத்திரம் உதயமாகிறது சிம்ம ராசிக்காரர்களுக்கு இந்த வருடம் அதிர்ஷ்ட நட்சத்திரம் அதிகமாக இருப்பதால் இந்த வருடம் உங்களுக்கு பல நன்மைகள் நடக்கும் சூழ்நிலைகள் உருவாகும். குடும்பத்தின் ஒத்துழைப்பும் மகிழ்ச்சியும் அதிகரிக்கும். ஆரோக்கியமும் மேம்படும். பணியிடத்தில் வரும் பிரச்சனைகள் குறையும். தொடர்ந்து மக்களின் ஒத்துழைப்பு இருக்கும். வரவேண்டிய பணம் கிடைக்கும்.
இல்லற சுகம் அதிகரிக்கும். தேவையற்ற வாக்குவாதங்களைத் தவிர்க்கவும், நீங்கள் சொத்து வாங்கும் முயற்சியில் ஈடுபட்டிருந்தால் இந்த ஆண்டு சாதகமாக இருக்கும்.
மாணவர்களுக்கு இந்த ஆண்டு சாதகமாக இருக்கும். படிப்பில் ஆர்வம் இருக்கும். எந்தவொரு போட்டித் தேர்விலும் வெற்றி பெறுவதற்கான வாய்ப்புகள் உள்ளன. உங்கள் மனைவியுடன் பயணம் செய்யும் வாய்ப்பு கிடைக்கும். வேலை செய்பவர்களுக்கு இந்த வருடம் சாதகமாக இருக்கும். வியாபார ரீதியாகவும் நேரம் சாதகமாக இருக்கும். தொழிலில் பணத்தை முதலீடு செய்வது நன்மை தரும்.
சிம்மம் புத்தாண்டு 2023 ராசி பலன் : தொழில், வியாபாரத்தில் கொடிகட்டி பறக்கப்போகும் ராசி
கன்னி ஆண்டு ராசிபலன் 2023: அதிக செலவு செய்வதைத் தவிர்க்கவும்
சனி பகவான் தரும் பலன்
சனி பகவான் ஆண்டு தொடக்கத்திலிருந்து ராசிக்கு 6ம் வீட்டில் சஞ்சரிக்கத் தொடங்குகிறார். இதனால் முதல் 4 மாதங்கள் உங்களுக்கு மிக மிக நல்ல காலமாக இருக்கும்.
கன்னி ராசிக்கு சனி பெயர்ச்சியின் காரணமாக மிக சிறப்பான பலன்கள் கிடைக்கக்கூடியதாக இருக்கும்.
2023ல் நடக்கும் குரு பெயர்ச்சியின் போது குரு 8ம் வீட்டில் சஞ்சாரம் செய்ய உள்ளார். இதனால் விரயங்கள் ஏற்பட வாய்ப்புள்ளது. அதாவது பிள்ளைகளுக்கு கல்வி கட்டணம், திருமணத்திற்கான செலவு என தவிர்க்க முடியாத செலவுகள் ஏற்பட வாய்ப்புள்ளது.
நிதி சார்ந்த சரியான திட்டமிடல் அவசியம்.
கன்னி ராசி 2023 உத்திரம் அஸ்தம் சித்திரை நட்சத்திர பலன் புத்தாண்டு பலன்
உங்களின் ஆரோக்கிய விஷயத்தில் சற்று கவனமாக இருக்கவும்.
உத்தியோகத்தில் இருப்பவர்களுக்கு இந்த வருடம் கலவையான பலன் கிடைக்கும். கலைத்துறையில் முன்னேற்றம் இருக்கும். அரசியலில் நல்ல முன்னேற்றம் கிடைக்கும்.
தொழிலி கவனம் தேவை. அரசியலில் உள்ளவர்கள் உங்களின் நன்மதிப்பு உயர்வதோடு, ஆடம்பரம் இல்லாமல் நடந்து கொண்டு மக்களின் நன்மதிப்பைப் பெறுவார்கள்.
துலாம் ஆண்டு ராசிபலன் 2023: எந்த பெரிய வேலையையும் முடிக்க முடியும்
துலாம் ராசிக்காரர்கள் இந்த வருடம் எந்த ஒரு புதிய வேலைகளைச் செய்யும் போதும் யோசித்த பிறகே முடிவெடுக்கவும். குறுகிய சுற்றுலா பயணத்திற்கான வாய்ப்பும் உள்ளது. வேலை, தொழில் விஷயமாக ஒருவரை நம்பும் முன் கவனம் தேவை, இல்லையெனில் நீங்கள் மன அழுத்தத்தை எதிர்கொள்ள வேண்டியிருக்கும். வாக்குவாதத்தைத் தவிர்க்கவும், பேச்சில் நிதானத்தைக் கடைப்பிடிக்கவும்.
மாணவர்களுக்கு இந்த வருடம் சற்று சிரமமாக இருக்கும். படிப்பில் ஆர்வம் குறையும்.
திருமண யோகம் உண்டு. எதிரிகளுடன் உடன்பாடு அல்லது நட்பு ஏற்படலாம். வழக்கு விஷயங்களில் டென்ஷன் ஏற்படலாம். வியாபார ரீதியாக இந்த வருடம் சாதாரணமாக இருக்கும்.
துலாம் ராசி சுவாதி நட்சத்திர 2023 புத்தாண்டு பலன்
விருச்சிகம் ஆண்டு ராசிபலன் 2023: புதிய வருமான ஆதாரங்கள் உருவாகும்
விருச்சிக ராசிக்காரர்களுக்கு இந்த வருடம் முழுவதும் சாதகமாக இருக்கும். நீண்ட நாட்களாக இருந்து வந்த பிரச்சனைகள் முடிவுக்கு வரும். இந்த ஆண்டு பலனளிக்கும் மற்றும் கிட்டத்தட்ட எல்லா விஷயங்களிலும் முன்னேற்றத்தைத் தக்க வைத்துக் கொள்ளலாம்.
உடல்நலம் தொடர்பான முன்னெச்சரிக்கையுடன் இருப்பது நல்லது. புதிய வருமான ஆதாரங்கள் உருவாகும். வருமானம் நிலை உயரும். பெரிய லாபம் தரும் சூழ்நிலை உருவாகலாம். ஆன்மிக பணிகளிலும் ஆர்வம் அதிகரிக்கும். வேலைத் துறையில் சாதகமான சூழ்நிலையும் உருவாகும். முன்னேற வாய்ப்பு கிடைக்கும். வணிகம், வியாபாரிகளின் பார்வையில் ஆண்டு சாதகமானதாக இருக்கும். சாதகமான சூழ்நிலை உருவாகும். புதிய தொழில் தொடங்குவதும் நன்மை தரும்.
விருச்சிகம் 2023 புத்தாண்டு பலன்கள்: அர்த்தாஷ்டம் சனி தரும் பலன் எப்படி இருக்கும்?
தனுசு ஆண்டு ராசிபலன் 2023: எதிரிகளிடம் கவனம் தேவை
தனுசு ராசிக்காரர்களுக்கு இந்த வருடம் பெரியளவில் சாதகமானதாக இருக்காது. இந்த ஆண்டு வேலைகளில் தேவையற்ற அலைச்சல் மற்றும் தேவையற்ற தாமதம் ஏற்படலாம். தாமதம் ஏற்படுவதால் மனக்கவலை ஏற்படலாம். தேவையில்லாத மன உளைச்சலை சந்திக்க நேரிடும்.
வண்டி வாகனங்களில் ஜாக்கிரதை. உங்கள் எதிரிகளுடன் தேவையில்லாமல் வாக்குவாதம் செய்யாதீர்கள், இல்லையெனில் நீங்கள் தேவையற்ற பிரச்னையை அழுத்தத்தை சந்திக்க நேரிடும்.
தனுசு மூலம் நட்சத்திரம் 2023 புத்தாண்டு பலன்
தேவையில்லாத அலைச்சல்களாலும், அதிக செலவுகளையும் சந்திக்க வேண்டியது இருக்கும். சில பிரச்சனைகள் ஏற்படும். குடும்பத்தில் மகிழ்ச்சியையும் அமைதியையும் பராமரிக்க அனுசரித்துச் செல்ல முயற்சி செய்யுங்கள். ஆண்டின் நடுப்பகுதியில் சிறிய கடினமான சூழல் இருக்கும். அலைச்சலும் செலவும் அதிகமாக இருக்கும், ஆனால் ஆண்டின் பிற்பகுதிக்கு, வருமானம் அதிகரிக்கும். சகோதரர்கள், சகோதரிகள் மற்றும் குடும்ப உறுப்பினர்களின் முன்னேற்றம் சாத்தியமாகும்.
உணவு விஷயத்தில் கவனம் தேவை. நிலம், வீடு, வாகனம் வாங்கும் விஷயத்தில் சில சிரமங்கள் ஏற்பட வாய்ப்பு உள்ளது.
தனுசு பூராடம் நட்சத்திரம் 2023 புத்தாண்டு பலன்
மகரம் ஆண்டு ராசிபலன் 2023: இடமாற்றம் ஏற்பட வாய்ப்பு உள்ளது
மகர ராசியினர் சிக்கல்களைத் தாண்டி சாதிக்க வேண்டியது இருக்கும். இந்த வருடம் பணியிடத்தில் சில பிரச்சனைகள் வரலாம். பணியிட மாற்றம் அல்லது புதிய வேலை மாற்றம் ஏற்பட வாய்ப்பு உள்ளது. உடல் நலம் சம்பந்தமாக சிறுசிறு பிரச்சனைகளும் வரலாம், அதனால் உடல் நலனில் அக்கறை காட்டுங்கள்.
பெற்றோரின் ஆதரவும் பாசமும் கிடைக்கும். காதல் விவகாரத்தில் கொஞ்சம் நிதானத்தை கடைப்பிடிக்கவும், இல்லையெனில் மன குழப்பத்தையும், பிரச்னையையும் சந்திக்க வேண்டியது இருக்கும்.
திருமண வாழ்வில் சில கருத்து வேறுபாடுகள் ஏற்பட வாய்ப்பு உள்ளது, எனவே கணவன் மனைவி சமயோசிதமாகவும், அனுசரித்தும் நடந்து கொள்ள வேண்டும். மாணவர்களுக்கு இந்த நேரம் சாதகமானதாக இருக்கும். கடின உழைப்பால் மட்டுமே படிப்பில் வெற்றி பெற முடியும். வியாபாரிகளுக்கு, புத்திசாலித்தனமாக வர்த்தகம் செய்ய வேண்டிய நேரம் இது.
தனுசு, மகரம், கும்பம், மீன ராசி 2023 புத்தாண்டு நட்சத்திர பலன்
கும்பம் ஆண்டு ராசிபலன் 2023: அதிக செலவு செய்வதைத் தவிர்க்கவும்
கும்ப ராசிக்காரர்களுக்கு இந்த ஆண்டு தொடக்கத்தில் ஜென்ம சனி தொடங்குவதால்மன வேதனையையும், தேவையற்ற மன அழுத்தத்தையும் சந்திக்க நேரிடும். பொருள் வசதி காரணமாக தேவையற்ற செலவுகள் ஏற்படலாம். எச்சரிக்கையுடன் செயல்படுங்கள். குடும்ப பிரச்சனைகளை தீர்ப்பதில் வெற்றி பெறுவீர்கள். பொறுமையுடனும் புரிதலுடனும் செயல்படுங்கள்.
நிலம்-சொத்து மற்றும் வாகனங்கள் வாங்குதல் மற்றும் விற்பது சார்ந்த விஷயங்களில் கவலை ஏற்படலாம். குழந்தை தொடர்பாக சில முக்கிய விஷயங்களை முன்னெடுப்பீர்கள். நீதிமன்ற வழக்குகளில் செலவுகள் கூடும். திருமண வாழ்வில் கணவன்-மனைவி சற்று அலட்சியமாக செயல்படுவதால், கருத்து வேறுபாடு ஏற்படலாம். எச்சரிக்கையுடன் செயல்படுங்கள்.
தனுசு, மகரம், கும்பம், மீன ராசி 2023 புத்தாண்டு நட்சத்திர பலன்
மாணவர்களுக்கு இந்த வருடம் கொஞ்சம் நன்றாகவே இருக்கும். படிப்பில் ஆர்வம் அதிகரிக்கும். சில பெரிய வெற்றிகளையும் அடையலாம். வியாபாரத்தில் லாபகரமான சூழ்நிலைகள் இருக்கும், ஆனால் உத்தியோகத்தில் இருப்பவர்கள் மீது சில அழுத்தங்களை சந்திக்க வேண்டியது இருக்கும். மனைவியின் உடல்நிலையில் சில கவலைகள் ஏற்படக்கூடும், எனவே கவனமாக இருக்கவும்.வெளியூர் பயணம் செய்யும் வாய்ப்பு கிடைக்கும்
மீன ராசிக்காரர்களுக்கு இந்த ஆண்டு தொடக்கத்தில் ஏழரை சனி தொடங்குகிறது என்றாலும், சில சாதகமான பலன்கள் கிடைக்கும். பல இலாபகரமான சூழ்நிலைகள் உருவாகும். தடைப்பட்ட பணம் கிடைப்பதால் லாபம் கிடைக்கும். குடும்பத்தில் மகிழ்ச்சியான சூழல் நிலவும். சுபகாரிய வேலைகளை வீட்டில் நடக்கும். உள்நாடு மற்றும் வெளிநாடுகளுக்கு பயணம் செய்யும் வாய்ப்பு கிடைக்கும். வெளிநாட்டிலிருந்தும் சாதகமான சூழ்நிலைகள் உருவாகலாம்.
மீனம் சனி பெயர்ச்சி 2023 பலன்கள் : ஏழரை சனி ஆட்டம் ஆரம்பம்
திட்டமிட்டு செயல்பட்டால், பொருளாதார முன்னேற்றத்துடன், பெரிய லாபம் கிடைக்கும் சூழ்நிலையையும் உருவாக்கலாம். இசைக் கலையில் நாட்டம் அதிகரிக்கும். உடன்பிறந்தவர்களுடன் ஒற்றுமை அதிகரிக்கும். புதிய சொத்து வாங்க, விற்க இந்த வருடம் சிறப்பாக இருக்கும். சமூகப் பணிகளிலும் மரியாதை அதிகரிக்கும்.
புத்தாண்டு ராசி பலன்கள் 2023 மீனம்: உத்திரட்டாதி நட்சத்திரம்
எதிரணியினரின் பலம் குறைவாக இருக்கும். திருமண வாழ்வில் மகிழ்ச்சியான சூழல் நிலவும். ஆரோக்கியமும் சாதகமாக இருக்கும். மாணவர்களுக்குச் சாதகமான நேரம். கல்வித்துறையிலும் சிறப்பான முன்னேற்றத்திற்கான வாய்ப்புகள் உள்ளன. உத்தியோகத்தில் இருப்பவர்களுக்கு பதவி உயர்வு போன்ற பலன் கிடைக்கும்.தொழில் செய்பவர்களுக்கும் இந்த வருடம் சாதகமாக இருக்கும். சந்தையில் பணத்தை முதலீடு செய்வது நன்மை தரும்.
