இந்தியாவில் கடந்த சில தினங்களாக கொரோனாவில் பாதிப்பு அதிகரித்து வந்த நிலையில், கடந்த 24 மணி நேரத்தில் மட்டும் கண்டறியப்பட்ட புதிய தொற்றாளர்கள் 11,109 ஆக பதிவாகியுள்ளது.
நாடு முழுவதும் கொரோனாவால் பாதிக்கப்பட்டவர்களின் எண்ணிக்கை 49,622 ஆக உயர்ந்துள்ளது. மேலும் கடந்த 24 மணி நேரத்தில் கொரோனாவால் 15 பேர் பலியாகியுள்ளதுடன் 5,356 பேர் தொற்றில் இருந்து குணமடைந்து வீடு திரும்பியுள்ளனர்.
அந்தவகையில் அதிகப்படியாக கேரளாவில் புதிதாக 1,188 பேருக்கு கொரோனா தொற்று உறுதி செய்யப்பட்டுள்ளது. டெல்லியில் 615 பேர், ஹரியானாவில் 408 பேர், உத்திர பிரதேசத்தில் 303 பேர், மகாராஷ்டிராவில் 279 பேர் பாதிக்கப்பட்டுள்ளனர்.
மேலும் கர்நாடகா, ராஜஸ்தான், சத்தீஸ்கர், பஞ்சாப், ஹிமால்சல் பிரதேசம் ஆகிய மாநிலங்களில் தொற்றின் எண்ணிக்கை 200 ஐ தாண்டியுள்ளது.
அதேவேளை தமிழ்நாடு பொருத்தவரை கடந்த 24 மணி நேரத்த்தில் புதிதாக கண்டறியப்பட்ட கொரோனா தொற்று 195 ஆக பதிவாகியுள்ளது.இந்நிலையில் நாடளாவிய ரீதியில் தொடர்ந்து அதிகரிக்கும் கொரோனா தொற்றில் இருந்து பாதுகாத்துக் கொள்ள மக்கள் முககவசம் அணிந்து, சமூக இடைவெளியைக் கடைப்பிடிக்குமாறு அறிவுறுத்தப்பட்டுள்ளது.
