அட்டன் பிரதேசத்தில் ஆலயங்களில் ஒன்றான அட்டன் பண்டாரநாயக்க டவுன் அருள்மிகு ஸ்ரீ மாவடியம்மன் ஆலயத்தில் 46வது வருட மாசிமக திருவிழாவினை முன்னிட்டு பால்குட பவனி மேளதாள இசைமுழங்க மிகச்சிறப்பாக நடைபெற்றது.
பால்குட பவனியினை முன்னிட்டு மஹா கணபதி வழிபாடு, புண்ணியவாஜனம், கும்பபூஜை, அக்னி காரியம், விசேட திரவிய ஓமம், திரவிய அபிசேகம் , அஸ்டோத்திர சத 109 சங்காபிசேகம் ஆகியன இடம்பெற்று அம்பாளுக்கு பாலாபிசேகம் நடைபெற்றது.
இந்த பால்குடபவனி அட்டன் ஸ்ரீ ஆஞ்சநேய ஆலயத்தில் விசேட பூஜை வழிபாடுகளைத் தொடரந்து ஆரம்பமானது. இப்பால்குடபவனியில் கலைக்கலாசார நிகழ்வுகளும் இடம்பெற்றமை குறிப்பிடத்தக்கது.
ஆலயபிரதம குரு சிவஸ்ரீ குமரதாசன் பாலகுமார சர்மா தலைமையில் இடம்பெற்ற இந்நிகழ்வில் கிரியாகால பிரதமகுருவாக சிவஸ்ரீ ஸ்கந்தராஜா குருக்கள் உட்பட பலர் கலந்து கொண்டிருந்தமை குறிப்பிடத்தக்கது.
மலைவாஞ்ஞன்
