அமெரிக்க ஜனாதிபதி டொனால்ட் ட்ரம்ப் தொடர்பாக தான் தெரிவித்த சில கருத்துகளுக்கு வருத்தம் தெரிவித்துக் கொள்வதாக டெஸ்லா நிறுவனர் எலான் மஸ்க் கூறியிருக்கிறார்.
தொழிலதிபரும், டெஸ்லா நிறுவனருமான எலான் மஸ்க் – அமெரிக்க ஜனாதிபதி டொனால்ட் ட்ரம்ப் இருவரும், கடந்த வாரம், பொது வெளியில் பகிரங்கமாக கருத்து மோதலில் ஈடுபட்டனர்.
நீண்ட காலமாக நட்பு பாராட்டி வந்த அமெரிக்க ஜனாதிபதி டொனால்ட் ட்ரம்ப் மற்றும் தொழிலதிபா் எலான் மஸ்க் இடையே ஏற்பட்ட கருத்து வேறுபாடு உச்சமடைந்து, இருவரையும் மாறி மாறி பகிரங்கமாக பொது வெளியில் பேசிக்கொண்டனர்.
இந்நிலையில் கடந்த வாரம் டொனால்ட் ட்ரம்ப் பற்றி நான் கூறிய சில கருத்துகளுக்காக நான் மனம் வருந்துகிறேன். அவை, மிகவும் மோசமான கருத்துகள் என்று தன்னுடைய எக்ஸ் பக்கத்தில் எலான் மஸ்க் பதிவு செய்திருக்கிறார்.
