இந்தியாவும் ரஷ்யாவும் சீனாவிடம் தன்னை “இழந்துவிட்டதாக” அமெரிக்க ஜனாதிபதி டொனால்ட் டிரம்ப் வெள்ளிக்கிழமை தெரிவித்துள்ளார்.
“நாம் இந்தியாவையும் ரஷ்யாவையும் ஆழமான, இருண்ட சீனாவிடம் இழந்துவிட்டோம் என்று தெரிகிறது. அவர்கள் நீண்ட மற்றும் வளமான எதிர்காலத்தை ஒன்றாகக் கொண்டிருக்கட்டும்!” என அவர் தெரிவித்துள்ளதோடு சீனாவில் ஜின்பிங்கின் உச்சி மாநாட்டில் மூன்று தலைவர்களும் ஒன்றாக இருக்கும் புகைப்படத்தையும் அவர் வெளியிட்டுள்ளார்.
இதேவேளை இந்த விடயத்துக்கு இந்தியா மற்றும் சீனா வெளியுறவு அமைச்சு எந்தவித பதிலும் வழங்கவில்லை என கூறப்படுகிறது.
சீன துறைமுக நகரமான தியான்ஜினில் ஷாங்காய் ஒத்துழைப்பு அமைப்புக்கான (SCO) மேற்கத்திய நாடுகளைச் சேர்ந்த 20 க்கும் மேற்பட்ட தலைவர்களை ஜி வரவேற்றார், இதில் ரஷ்ய அதிபர் விளாடிமிர் புடின் மற்றும் இந்திய பிரதமர் நரேந்திர மோடி ஆகியோரும் அடங்குவர்.
புடினும் மோடியும் உச்சிமாநாட்டில் கைகோர்த்து நடந்து சென்றபோது, மூன்று பேரும் அருகருகே நின்றார்கள்.
ரஷ்யப் படைகள் உக்ரைனை ஆக்கிரமித்து மூன்று ஆண்டுகளுக்கும் மேலாகியும், ரஷ்யாவையும் உக்ரைனையும் தங்கள் போரை முடிவுக்குக் கொண்டுவர டிரம்ப் எடுத்த முயற்சிகள் கைகூடாத நிலையில் அவர் விரக்தியடைந்துள்ளார் என கூறப்படுகிறது.
இதேநேரம் விரைவில் புடினுடன் பேச திட்டமிட்டுள்ளதாக கடந்த வியாழக்கிழமை செய்தியாளர்களிடம் அமெரிக்க ஜனாதிபதி டொனால்ட் ட்ரம்ப் கூறியுள்ளார்
