தொடர்ந்தும் வசூல் சாதனை படைத்து வரும் வாரிசு !

இயக்குநர் வம்சி இயக்கத்தில் நடிகர் விஜய் நடிப்பில் உருவான திரைப்படம் “வாரிசு”.
பெரும் எதிர்பார்ப்பில் வெளியான இந்த திரைப்படம் கடந்த 11 ஆம் திகதி ரசிகர்களின் கொண்டாட்டத்துடன் திரையரங்குகளில் வெளியானது.இதைத்தொடர்ந்து இப்படத்தின் தெலுங்கு பதிப்பான “வாரசுடு” கடந்த 14-ஆம் திகதி திரையரங்குகளில் வெளியாகி நல்ல வரவேற்பை பெற்று வருகிறது.

“வாரிசு” திரைப்படம் வெளியான ஏழு நாட்களில் உலகம் முழுவதும் 210 கோடி ரூபா வசூல் செய்துள்ளதாக போஸ்டர் வெளியிட்டு படக்குழு அறிவித்திருந்தது.இந்நிலையில் வாரிசு திரைப்படம் உலக அளவில் 300 கோடி ரூபா வசூல் செய்துள்ளதாக படக்குழு போஸ்டர் வெளியிட்டு தெரிவித்துள்ளமை குறிப்பிடத்தக்கது.