வடக்கு ஒன்டாரியோவின் (Northern Ontario) ஹியர்ஸ்ட் (Hearst) பகுதிக்கு அருகில், ஒன்டாரியோ மாகாண பொலிஸ் (Ontario Provincial Police – OPP) அதிகாரி ஒருவர் கடமையின் போது கொல்லப்பட்டுள்ளதாக பொலிஸார் உறுதிப்படுத்தியுள்ளனர்.
செவ்வாய்க்கிழமை மதியம் 12:30 மணியளவில், திம்மின்ஸ் (Timmins) நகரில் இருந்து வடமேற்கே சுமார் மூன்று மணி நேர பயணத் தொலைவில் உள்ள கெண்டல் கன்செஷன் வீதி 7 மற்றும் கன்செஷன் வீதி 6 (Kendall Concession Road 7 and Concession Road 6) ஆகிய பகுதிகளில் ஜேம்ஸ் பே OPP (James Bay OPP) அதிகாரிகள் விசாரணை ஒன்றில் ஈடுபட்டிருந்தனர்.
இதன்போது, கான்ஸ்டபிள் தருண் பாலி (Const. Tarun Bali) படுகாயமடைந்து, பின்னர் அவர் உயிரிழந்ததாக அறிவிக்கப்பட்டது.
அவர் எவ்வாறு கொல்லப்பட்டார் என்ற விபரங்களை பொலிஸார் வெளியிடவில்லை என்றாலும், சந்தேக நபர் ஒருவர் கைது செய்யப்பட்டுள்ளதாக தெரிவித்துள்ளனர்.
உயிரிழந்த தருண் பாலி (Tarun Bali), டபெரின் பிரிவில் (Dufferin Detachment) பணியாற்றியவர் என்பதுடன், தற்காலிகமாக ஜேம்ஸ் பே பிரிவில் (James Bay Detachment) கடமைக்காக இணைக்கப்பட்டிருந்தார்.
அவர் இரண்டரை ஆண்டுகள் பொலிஸ் துறையில் பணியாற்றியுள்ளார்.
அவரது மறைவுக்கு OPP ஆணையர் தோமஸ் காரிக் (OPP Commissioner Thomas Carrique) தனது ஆழ்ந்த இரங்கலைத் தெரிவித்துள்ளார்.
