அமெரிக்கா – ஜப்பான் இடையிலான வர்த்தக ஒப்பந்தத்தில் ட்ரம்ப் கையெழுத்திட்டதையடுத்து அமெரிக்காவில் இறக்குமதி செய்யப்படும் ஜப்பான் பொருட்களுக்கு 15 சதவீத வரி விதிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.
இதேவேளை அமெரிக்கா ஏற்றுமதி செய்யும் பொருட்களுக்கு துறைசார் சிறப்பு சலுகைகள் வழங்கப்படும் என்று அறிவிக்கப்பட்டுள்ளது.
இது குறித்து ட்ரம்ப் கூறுகையில், ‘இது அமெரிக்கா மற்றும் ஜப்பான் நாடுகளுக்கு இடையேயான வர்த்தக உறவின் புதிய அத்தியாயம்,’ என்றார்.
வெள்ளை மாளிகை வெளியிட்ட அறிக்கையில்,
‘இந்த ஒப்பந்தத்தின்படி, அமெரிக்காவில் இறக்குமதி செய்யப்படும் அனைத்து ஜப்பான் பொருட்களுக்கும், அமெரிக்கா 15 சதவீத அடிப்படையில் வரி விதிக்கும். தேசிய நலன்களை அடிப்படையாகக் கொண்டு இந்த நடவடிக்கை எடுக்கப்பட்டுள்ளது.
இந்த ஒப்பந்தத்தின்படி, அமெரிக்காவில் 550 பில்லியன் டொலர் முதலீடுகளை செய்ய ஜப்பான் உறுதியளித்துள்ளது. இது அமெரிக்க வரலாற்றில் முன்னெப்போதும் இல்லாத ஒப்பந்தமாகும்,’ எனக் குறிப்பிடப்பட்டுள்ளது.
